Kredit limiti belgilanishi: bepul (dastlabki 48 oy qayta tiklanadigan Kredit limiti, oxirgi 12 oy Kredit limitini qayta ishlatish imkonisiz)

Kredit limiti: AVO tomonidan individual qaror asosida belgilanadi: 50 000 000 so'mgacha

Kreditdan foydalanish muddati: dastlabki kredit limiti belgilangan sanadan boshlab 60 oy (qarzdorlik to‘liq so‘ndirilgandan so‘ng Kredit shartnomasi bo‘yicha 48 oy xizmat ko‘rsatilgandan keyin Bank yoki Mijozning e’tirozi bo‘lmagan taqdirda yangi Kredit shartnomasi tuzilishi mumkin)

Kredit limitining o‘zgarishi: bepul

• Foizsiz davr - agar to‘liq qarzdorlik summasi To‘lov davrida so‘ndirilsa, Imtiyozli davrda bajarilgan xaridlar uchun Bank foiz hisoblamaydi: 46 kalendar kunigacha

• Imtiyozli xarajatlar davri - To‘lov davrida qarzdorlikni so‘ndirish sharti bilan Imtiyozli operatsiyalar bo‘yicha foiz hisoblanmasdan xaridlar bajarish mumkin bo‘lgan davr: 31 kalendar kunigacha

• To‘lov davri - Imtiyozli operatsiyalarga foizlar hisoblanmasligi uchun Majburiy to‘lovni yoki butun qarzdorlik summasini so‘ndirish lozim bo‘lgan davr. Ko‘chirma sanasi To‘lov davrining birinchi kuni hisoblanadi: 15 kalendar kuni, dam olish kunlarini hisobga olmaganda

Majburiy to‘lov sanasi - Bank tomonidan belgilanadi va Ko‘chirma sanasidan boshlab 15 kalendar kuniga to‘g‘ri keladi

Majburiy to‘lov har oylik Ko’chirmada ko’rsatiladi:

• Eng kam oylik to'lov: Kredit limiti summasidan 7%, lekin Kredit bo‘yicha qarzdorlik summasidan oshmagan holda

• Kredit shartnomasi qoidalariga muvofiq boshqa to‘lovlar: Kredit bo‘yicha qarzdorlikni o’z vaqtida so‘ndirmaganlik uchun so‘ndirilmagan komissiyalar, jarimalar va penyalar

Kreditdan foydalanish uchun komissiya:

• Foizsiz davrda Imtiyozli operatsiyalar uchun foiz stavkasi: yillik 0% (agar to‘liq qarzdorlik summasi To‘lov davri davomida so‘ndirilsa, foizlar hisoblanmaydi)

• Kreditdan foydalanish davrida foiz stavkasi: yillik 47,9% (To‘lov davri davomida qarzdorlik to‘liq so‘ndirilmagan bo‘lsa, foizlar hisoblanadi. Foizlar har kuni Kredit bo‘yicha qarzdorlik qoldig‘i summasidan hisoblanadi)

• Naqd pul yechish, o‘tkazmalar va ularga tenglashtirilgan Operatsiyalar: yillik 47,9% (Foizlar har kuni Kredit bo‘yicha qarzdorlik qoldig‘i summasidan hisoblanadi)

Kredit bo‘yicha qarzdorlikni o‘z vaqtida so‘ndirmaganlik uchun neustoyka (jarimalar, penyalar):

• Birinchi muddati o‘tgan Majburiy to‘lov uchun jarima: 50 000 so‘m + muddati o‘tgan Majburiy to’lov summasidan 1%

• Ikkinchi muddati o‘tgan Majburiy to‘lov uchun jarima: 150 000 so‘m + muddati o‘tgan Majburiy to’lov summasidan 2%

• Uchinchi va keyingi muddati o‘tgan Majburiy to‘lov uchun jarima: 300 000 so’m + muddati o‘tgan Majburiy to’lov summasidan 3%

Muddati o‘tgan qarzdorlik uchun penya - muddati o‘tgan qarzdorlik summasiga hisoblanadi va Majburiy to‘lov miqdoriga qo‘shiladi:

• Majburiy to‘lovning muddati o‘tgan birinchi kunda to‘lovga qo‘yiladi (kuniga muddati o‘tgan Majburiy to’lov summasidan 0,3%) - Penya kechiktirilgan qarz summasiga hisoblanadi va majburiy to‘lovga kiritiladi. To‘lovning kechiktirilgan birinchi kunidan boshlab to‘lanishi kerak: kuniga kechiktirilgan majburiy to‘lov summasining 0,3% miqdorida.

Masalan, sizga 3 000 000 so‘m miqdorida kredit limiti tasdiqlangan. Siz ushbu summaning to‘liq yoki faqat bir qismini ishlatishingiz mumkin. Foizlar faqat sarflangan mablag‘ga hisoblanadi.

Agar sarflangan summa minimal majburiy to‘lovning 7% dan kam bo‘lsa, to‘lovga faqat sarf qilingan summa chiqariladi.

Kredit mablag‘lari savdo nuqtalarida to‘lov qilish, onlayn xaridlar, naqd pul yechish va pul o‘tkazmalari uchun ishlatilishi mumkin.

*Imtiyozli hisoblanmaydigan operatsiyalar ro‘yxati bilan albatta tanishib chiqing!